နောက်ဆုတ်ဖို့မရှိသလို နောင်တလည်းမရဘူးဆိုတဲ့ သရုပ်ဆောင် မင်းမော်ကွန်း

နွေဦးတော်လှန်ရေးမှာ တက်ကြွစွာပါဝင်ခဲ့လို့ စစ်ကောင်စီက ၅၀၅ က နဲ့ဖမ်းဝရမ်းထုတ်ခဲ့တဲ့ အတွက် တိမ်းရှောင်နေတဲ့ ရုပ်ရှင်သရုပ်ဆောင် မင်းမော်ကွန်းက တော်လှန်းရေးအတွင်း စိတ်ဓါတ်မကျရန်၊ သွေးမကွဲရန်နှင့် အရာရာကို ကြိုတင်ပြင်ဆင်ပြီး အဆုံးသတ်တိုက်ပွဲအတွက်အဆင်သင့်ရှိကြစေရန် ၎င်း၏လူမှုကွန်ရက် စာမျက်နှာမှာ အောက်ပါအတိုင်း ရေးသားခဲ့ပါတယ်။

” တော်လှန်​ရေးကာလအချိန်ကြာလာတာနဲ့အမျှ ခက်ခဲပင်ပန်းလာတာ​တွေ အားငယ်စိတ်ဓါတ်ကျတာ​တွေ အား​လျော့ချင်စိတ်​တွေက အနည်းနဲ့အများဖြစ်လာကြမှာပါ ကျွန်​တော်ကိုယ်တိုင်လည်း​ အကြိမ်ကြိမ်အားငယ်ဝမ်းနည်းတာ​တွေ လူ​ရောစိတ်​ရောပင်ပန်းနာကျင်ရတာ​တွေ ခဏခဏလဲကျပြီးပြန်မထချင်​လောက်​အောင် စိတ်ဓါတ်​တွေပြိုကျခဲ့ရတာ​တွေ အမှန်တကယ်ရှိခဲ့​ကြောင်းကို ဝန်ခံပါတယ်။

ဒါ​ပေမယ့်​ကျွန်​တော်တို့အရှုံး​ပေးလို့မရပါဘူး ကျွန်​တော်တို့သည် ဒီ​တော်လှန်​ရေးကို ခဏတာခံစားချက်နဲ့လုပ်ခဲ့မိကြတာမဟုတ်ပါ မတရားဖိနှိပ်တာ အနိုင်ကျင့်တာမကြိုက်လို့ လွပ်လပ်ခြင်း တရားမျှတခြင်းနဲ့ လူ့အခွင့်အ​ရေးတန်းတူညီမျှခြင်းကို အမှန်တကယ်ချစ်မြတ်နိုးလို့ ​တော်လှန်ခဲ့ကြခြင်းပါ လွပ်လပ်ခွင့်​တွေဆုံးရှုံးရလို့ တရားမျှတခြင်းမရှိဘူးလို့ခံယူထားလို့
အမှန်တရားနဲ့လွဲ​ချော်​နေမှန်းသိလို့ လက်နက်ကိုင်ထားတိုင်း​ကြောက်မ​နေချင်လို့ လူ​ပေါ်မူတည်ပြီးခွဲခြားအုပ်ချုပ်တာမခံချင်လို့ အသိတရားနဲ့ ခံယူချက်​ကြောင့်သာ တော်လှန်ဆန့်ကျင်ခဲ့ကြခြင်းဖြစ်ပါတယ်။

ခံစားချက်​ပေါ်မူတည်ပြီးဖြစ်လာရတဲ့ ​တော်လှန်လိုစိတ်ဟာ ခံစားချက်အ​ပြောင်းအလဲအလိုက် ​မှေးမှိန်လာတတ်​ပေမယ့် ခံယူချက်​ကြောင့်​တော်လှန်ခြင်းက​တော့ ဘယ်အ​ခြေအ​နေ​ရောက်​ရောက် မ​ပြောင်းလဲမယိမ်းယိုင်နိုင်ပါဘူး ဒီအတွက်ဘာ​တွေကြုံလာကြုံလာ ​နောက်ဆုတ်ဖို့မရှိပါဘူး ​နောင်တမရပါဘူးအရှုံးမ​ပေးပါဘူး ကမ္ဘာမ​ကျေပါဘူး ကိုယ်ယုံကြည်ရာအမှန်တရားကို ရ​အောင်ယူဖို့ ဖြစ်​အောင်လုပ်ဖို့က အားလုံးရဲ့တာဝန်ဖြစ်ပြီး ဒီတာဝန်အတွက်လူသားတိုင်းမှာ ​မွေးရာပါခွန်အား​တွေရှိကြပါတယ်။

ဒီထက်အ​ရေးကြီးတာက ကျွန်​တော်တို့မျိုးဆက်​သစ်တွေကို အာဏာတစ်ခု​ကြောင့်သာ မတရားသဖြင့်ချမ်းသာ​ကြပြီး ဘာအရည်အချင်း အဆင့်အတန်းမှမရှိ လူမဆန်တဲ့သူတွေရဲ့ မတရားအနိုင်ကျင့်​ခြင်း​တွေ လူပါးဝ ​စော်ကားခြင်း​တွေကို ခွင့်ပြုဖို့ ​​နောက်ထပ်ဘယ်​တော့မှ မဖြစ်နိုင်​တော့ပါဘူး ဒါ​ကြောင့် အားတင်းပါ အား​မွေးထားကြပါ အရာရာအတွက်ကြိုတင်ပြင်ဆင် အသင့်ဖြစ်ပါ​စေ ကျန်းမာ​ရေး​ကောင်း​ပါ​စေ ​သွေးမကွဲပါ​စေနဲ့ ကျွန်​တော်တို့ပြည်သူအားလုံး တိုင်းရင်းသားအားလုံးက တညီတညွတ်ထဲ​တော်လှန်ရင် ဘယ်အာဏာရှင်မှ ကြာရှည်မခံနိုင်ပါဘူး အဆုံးသတ်တိုက်ပွဲအတွက် အဆင်သင့်ရှိကြပါ​စေ အ​ရေးတော်ပုံ ​အောင်ရမည်”

source – Kyaw Kyaw Htay Lwin